Governu Timor-Leste

Governu Repúblika Demokrátika Timor-Leste no Konferénsia Episkopál Timorense sei hala’o iha fulan-setembru 2026 serimónia ofisiál sira hodi fó omenajen ba D. Jaime Garcia Goulart, D. José Joaquim Ribeiro, Monseñór Martinho da Costa Lopes no D. Alberto Ricardo da Silva, nu’udar rekoñesimentu ba sira-nia dedikasaun pastorál no mós kontribuisaun folin boot tebe-tebes ne’ebé sira halo ba povu timoroan ne’ebé nia memória sei kontinua inspira jerasaun agora no futuru.

Ho lema “Retratus Fiar no Memória Eterna Igreja no Timor-Leste nian – HODI SELEBRA ERANSA NO SAKRIFISIU HOSI ITA-NIA SAUDOZU PRELADU SIRA”, serimónia sira ne’e marka fila fali ba Timor-Leste restus mortais hosi D. Jaime Garcia Goulart, D. José Joaquim Ribeiro no Monseñór Martinho da Costa Lopes ne’ebé sei hamutuk ho D. Alberto Ricardo da Silva nia mate-isin, no mós sai momentu ida omenajen no rekoñesimentu nian ba legadu espirituál, istóriku no nasionál Preladu na’in-haat ne’e nian.
Programa ofisiál ne’e sei konta ho momentu prinsipál sira hanesan tuir mai ne’e: serimónia simu restus mortais iha loron 1 fulan-setembru iha Aeroportu Internasionál Prezidente Nicolau Lobato, tuir fali ho prosisaun ba Tasi Tolu; omenajen ba Monseñór Martinho da Costa Lopes iha loron 3 fulan-setembru iha Manatutu, ne’ebé inklui fó naran ba Ponte Manatutu ho nia naran; no mós iha loron 10 fulan-setembru, iha Tasi Tolu no iha Katedrál Dili, Misa Omenajen no serimónias enserramentu no hakoi restus mortais Preladu na’in-haat nian.

*
PROGRAMA

LORON 1 FULAN-SETEMBRU 2026 - XEGADA RESTUS MORTAIS PRELADU SIRA-NIAN MAI TIMOR-LESTE - AEROPORTU INTERNASIONAL PREZIDENTE NICOLAU LOBATO– DILI


Tuku 1:30 meiudia – Xegada restus mortais hosi Preladu sira iha Aeroportu Internasionál Prezidente Nicolau Lobato.

Tuku 1:55 meiudia – Komisaun Organizadora Governu no Parada Militár hein transporte restus mortais Preladu sira-nian ba fatin serimónia.

Tuku 2:00 lokraik – Asinatura termu entrega restus mortais Preladu sira-nian entre Komisaun Organizadora Governu no Konferénsia Episkopál Timorense.

Tuku 2:05 lokraik – Liafuan badak husi reprezentantes Komisaun Organizadora Governu no Konferénsia Episkopál Timorense nian.

Tuku 2:15 lokraik – Transporte restus mortais Preladu sira-nian husi Aeroportu Internasionál Presidente Nicolau Lobato ba esplanada Tasi Tolu.

****

LORON 3 FULAN-SETEMBRU 2026 - OMENAJEN BA MONSEÑOR MARTINHO DA COSTA LOPES – MANATUTU

Tuku 9:00 dadeer – Konvidadu sira to'o iha fatin serimónia nian.

Tuku 9:30 dadeer – Saída restus mortais Monseñór Martinho da Costa Lopes nian husi Laleia ba Manatutu.

Tuku 10:00 dadeer – Para iha Ponte Manatutu, durante viajen entre Laleia ho Igreja Parókia Manatutu.

Tuku 10:10 dadeer – Entrega lembransa husi Povu Manatutu ba Prezidente Konferénsia Episkopál Timorense nian.

Tuku 10:15 dadeer – Leitura Rezolusaun Governu nian.

Tuku 10:20 dadeer – Diskursu husi Sua Exelénsia Prezidente Repúblika.

Tuku 10:50 dadeer – Inaugurasaun ba plaka komemorativa ne’ebé fó naran ba Ponte Manatutu “Ponte Mons. Martinho da Costa Lopes”, tuir fali ho bénsaun ba ponte ne’e husi Arsebispu Dili.

Tuku 11:00 dadeer – Simu konvidadu sira iha Salaun “Ulfa Ikero”.

****

LORON 10 FULAN-SETEMBRU 2026 - SERIMÓNIA ENSERAMENTU BA TRASLADASAUN RESTUS MORTAIS PRELADU SIRA-NIAN IHA TASI TOLU

Tuku 5:00 lokraik – Santa Misa ne’ebé prezide husi Sua Eminénsia D. Virgílio Cardeal do Carmo da Silva, SDB, Arsebispu Metropolitanu Dili no Prezidente Konferénsia Episkopál Timorense nian.

Hafoin Santa Misa:
• Leitura ba despaxu husi Sua Exelénsia Reverendísima Sekretáriu-Jerál Konferénsia Episkopál Timorense;
• Intervensaun husi Sua Exelénsia Reverendísima Pró-Prezidente Konferénsia Episkopál Timorense;
• Intervensaun husi Sua Exelénsia Prezidente Repúblika.

Hafoin remata bénsaun finál iha Tasi-Tolu:
• Serimónia hakoi restus mortais preladu saudozu sira-nian, iha Katedrál Dili;
• Vizita ba Monumentu no Jardín Omenajen, iha resintu Katedrál Dili nian.