Governu Lansa Projetu Dezenvolvimentu Komunitáriu Integradu iha Liquiçá

Ses. 13 dezembru 2024, 10:33h
470272945_464968736645911_1005927450457177721_n

Vise-Primeiru-Ministru no Ministru Dezenvolvimentu Rurál no Abitasaun Komunitária, Mariano Assanami Sabino, lansa ofisialmente, iha loron 8 fulan-dezembru tinan 2024, projetu ba implementasaun atividade integradu sira iha Aldeia Mota-Ikun, Suku Mota-Ulun (Kaitehu), iha Likisá. Ida-ne’e ho objetivu atu hametin dezenvolvimentu ekonómiku no sosiál komunidade lokál nian liuhosi inisiativa sira ne’ebé integradu no sustentável. 470139155_464968969979221_2274005469077838940_n

Atividade sira ne’ebé implementa inklui hakiak ikan, kafetaria ida, kampu desportu, fatin rekreiu no inisiativa turizmu komunitáriu. Asaun hirak-ne’e aliña ho estratéjia Governu nian hodi haburas kreximentu ekonómiku iha nivel lokál no promove organizasaun komunitária. Iha mós planu atu harii alojamentu ne’ebé inspira husi uma tradisionál Suku ida-ne’e nian no sala multiuzu ida, ne’ebé uza ba eventu sira hanesan semináriu no selebrasaun komunitária sira.

 “Ho atividade sira-ne’e, aleinde hadi’a ekonomia aldeia nian, ami hakarak atu promove mudansa mentalidade iha sosiedade, enkoraja servisu hamutuk iha ámbitu demokrasia partisipativu no organizasaun komunitária ne’ebé forte liu”, destaka Vise-Primeiru-Ministru durante eventu ne’e. 470142603_464968183312633_3231049560813673368_n

Atu konkretiza projetu ne’e, Governu, liuhosi Ministériu Dezenvolvimentu Rurál no Abitasaun Komunitária, aloka orsamentu hamutuk dolar amerikanu rihun 50. Projetu ne’e sei jere husi mahorik sira aldeia nian, hodi garante katak rendimentu ne’ebé hetan bele investe fali iha inisiativa lokál sira seluk.

Vise-Primeiru-Ministru ne’e apela ba komunidade atu kaer projetu ne’e ho responsabilidade, alerta katak, karik iha jestaun ne’ebé ladi’ak, aldeia ne’e bele la hetan benefísiu hosi projetu sira iha futuru.

Ministériu sei kontinua fó asisténsia, inklui formasaun ne’ebé ho objetivu atu kapasita komunidade hodi jere projetu ne’e ho dalan ne’ebé sustentável, nune’e garante dezenvolvimentu ekonómiku ne’ebé sólidu no efetivu liután ba aldeia ne’e. 470141123_464968606645924_2064457966537150589_n

Marka prezensa iha serimónia ne’e Sekretáriu Estadu Pekuária, José Vieira de Araújo, Diretór-Jerál Dezenvolvimentu Rurál, Filipe Cardoso, Diretór Abitasaun Komunitária, Diretór-Jerál Asuntus Korporativus, reprezentantes hosi Sekretaria Estadu Kooperativas, Prezidente Autoridade Munisípiu Likisá nian, autoridade lokál, membru komunidade no konvidadu sira seluk.470196383_464968833312568_3536209118269272937_n 470207420_464968713312580_5959991610866883854_n 470194699_464968809979237_5708693327067013403_n 470070154_464967866645998_8460969914683330669_n

   Ba leten