Primeiru-Ministru, Rui Maria de Araújo ho delegasaun, fila husi IndonésiaPrimeiru-Ministru, Rui Maria de Araújo, ho delegasaun fila hikas tiha ona ohin (28/08) mai iha Dili, hafoin halao vizita ofisial ba República da Indonésia ba loron-3 hosi 25-27 Agosto 2015.
Primeiru-Ministru Dr. Rui Maria de Araújo, hamutuk ho Ministro Koodernador ba Assuntu Administrasaun Estadu nian no Justisa no Ministru Administrasaun Estatál, Dionísio Babo Soares, no Ministru Negósiu Estranjeiru no Kooperasaun, Hernâni Coelho, iha Sala VIP Areoporto Internasional Nicolau Lobato, halao konferensia de imprensa hodi hato’o rezumu hosi vizita ofisial no hosi enkontrus bilateral ne’ebe halao durante vizita ofisial ba dala-uluk hosi Xefe VI Governu nian ba Indonesia ida ne'e.
