Ministru Negósius Estranjeirus no Kooperasaun dezloka ba Béljika no Xina
Ministru Negósius Estranjeirus no Kooperasaun, José Luís Guterres, iha loron 30 fulan Marsu dezloka ba Bruxelas, atu halo asinatura Akordu ida ho Uniaun Europeia no partisipa iha Konferénsia internasionál ba Prevensaun Jenosídiu nian, ne’ebé sei realiza entre loron 31 fulan Marsu no loron 1 fulan Abril.
Iha Bélgica, Ministru timoroan ne’e sei asina Akordu Finanseiru Fundu Europeu nian ida kona-ba Dezenvolvimentu, iha área jestaun finansas públikas nian.
Iha biban komemorasaun aniversáriu jenosídiu nian iha Ruanda ba da-20 iha (tinan 1994-2014), sei realiza Konferénsia Internasionál ba Prenvensaun Jenosídiu, ne’ebé sei marka mos prezensa entre konvidadu sira seluk, Sekretáriu-Jerál Nasoins Unidas nian, Ban Ki-moon.
Iha loron 6 to’o 10 fulan Abril Ministru José Luís Guterres dezloka ba Xina ne’e atu akompaña vizita ofisiál Primeiu-Ministru Kay Rala Xanana Gusmão nian, ho objetivu atu partisipa iha konferénsia internasionál kona-ba dezenvolvimentu ekonómiku no kooperasaun iha Ázia.
