Governu Timor-Leste, liu husi Sekretáriu Estadu Defeza, iha loron 13 Dezembru 2013, entrega kareta mini Hicom 9 ba instituisaun Falintil-Forsa Defesa Timor-Leste (F-FDTL), atu fasilita servisu instituisaun nian iha Kuartél Jeneral, Fatuhada-Dili.

Kareta mini Hicom ne’e  Governu sosa husi Kompañia Malázia, uza orsamentu Estadu tinan 2013 ho montante USD $ 800.000 resin.

Vise-Primeiru-Ministru, Fernando La Sama de Araujo, husu ba F-FDTL sira atu tau-matan didi’ak ba fasilidade transporte sira-ne’e, durante hala’o servisu. “Tanba fasilidade sira-ne’e, hanesan mós povu nian. Ha’u espera, atividade servisu iha instituisaun F-FDTL, sei la’o diakliu tan, atu garante nasaun nia estabilidade ba povu nia moris di’ak ,” La Sama dehan tan.

Iha fatin hanesan, Xefi Estadu Maior F-FDTL, Maijor Jenerál Lere Anan Timur, agradese ba Governu nia esforsu no preokupasaun, atu kapasita kondisaun ba institusaun F-FDTL no instituisaun Estadu sira seluk.