Toleránsia Pontu iha loron 29 fulan-Novembru tinan 2013
Prezidénsia Konsellu Ministrus
V Governu Konstitusionál
..............................................................................................................................
Dili, Loron 21 Fulan Novembru Tinan 2013
Komunikadu Imprensa
Toleránsia Pontu iha loron 29 fulan-Novembru tinan 2013
Governu Konstitusionál V Repúblika Demokrátika Timor-Leste deside ona atu fó toleránsia pontu iha loron 29 fulan-Novembru tinan 2013, durante loron-tomak, ba funsionáriu no ajente hosi Ministériu ka servisu dependente sira, nomós ba institutu no organizmu sira ne’ebé integra iha administrasaun indireta Estadu nian.
Desizaun ida ne’e foti tuir Lei n.o 10/2005, loron 10 fulan-Agostu, ne’ebé determina kona-ba loron sira feriadu nasionál nian, loron ofisiál komemorativa no toleránsia pontu sira.
Loron 28 fulan-Novembru, loron Proklamasaun Independénsia Timor-Leste nian, nu’udar loron ofisiál komemorativa ne’ebé define ninia loron loloos ona. Haree katak, serimónia komemorasaun Proklamasaun Independénsia Timor-Leste nian, tinan ida ne’e, sei hala’o iha Kraras, distritu Viqueque, nune’e, Governu deside ona atu fó toleránsia pontu iha loron 29 fulan-Novembru tinan 2013, iha loron-sesta, atu sidadaun sira bele partisipa iha eventu ne’e.
