Governu Timor-Leste

Ministériu Prezidénsia Konsellu Ministru (PKM) no Arkivu & Muzeu Rezisténsia Timorense (AMRT) iha loron 22 fulan Novembru, iha Dili, asina Memorandu Entendimentu ida atubele “otimiza no kria baze kooperasaun no parseria nian entre instituisaun rua ne’e, liuliu liuhusi diseminasaun obra literária sira husi autór nasionál sira ho reputasaun nasionál no internasionál”, nu’udar bele lee iha dokumentu ne’e.

Objetivu husi akordu ida ne’e atu apoia jestaun kona-ba atividade kulturál sira, “ne’ebé kontribui ba konstrusaun identidade nasionál nian ne’ebé importante tebetebes atubele dezenvolve nasaun modernu ida no bele estabelese relasaun ida di’ak liután hanesan, “hala’o workshop, palestra, lansamentu obra literária, ezibisaun pintura no eventu sira seluk iha ámbitu kulturál no institusionál”. Área kooperasaun sira ne’e nian inklui mós, “utilizasaun no dinamizasaun instalasaun AMRT nian iha ámbitu atividade sira ne’e nian” no ”fa’an obra hirak ne’ebé PKM fó ba AMRT hanesan doasaun”.

Memorandu Entendimentu ne’e asina husi Diretór-Jerál PKM, Victor Maia, no husi Diretór AMRT, “Hamar” Antoninho Baptista.