Nusa Dua, Bali
Loron 7 no 8 fulan Novembru 2013

Primeiru-Ministru, Kay Rala Xanana Gusmão, partisipa iha edisaun Dahaat Fórum Demokrasia iha Bali ne’ebé sei hala’o iha Nusa Dua, iha loron 7 no 8 fulan Novembru 2013.

Hahú kedas iha edisaun dahuluk, iha tinan 2008, mak Xefi Governu Timor-Leste nian, sai nu’udar konvidadu ida husi eventu internasionál ne’e.

Tinan ida ne’e Fórum Demokrasia Dahaat ho ninia tema “Konsolidasaun demokrasia iha sosiedade sosiedade pluralista ida”.

Xanana Gusmão sei halo diskursu iha Sesaun Abertura nian, iha loron 7 fulan Novembru, entre sira seluk, sei hamutuk mós ho Prezidente Repúblika Indonézia nian.

Ministru Negósiu Estranjeiru no Kooperasaun, José Luís Guterres, sei halo mós diskursu iha loron ida ne’e, iha debate ida ne’ebé mak sei partisipa husi Ministru sira no Vise-Ministru sira.