Ministru Estadu no Prezidénsia Konsellu Ministru no

Porta-Vóz Ofisiál Governu Timor-Leste

Díli, Loron 31 fulan, Outubru tinan 2013

Deklarasaun kona-ba arbitrajen ne’ebé hahú husi ConocoPhillips

Governu Timor-Leste, iha loron 25 fulan Outubru, aprezenta ona ninia Deklarasaun Kontestasaun nian hanesan resposta ba arbitrajen ne’ebé hahú hosi ConocoPhillips. Timor-Leste hatan ho forma kompleta ba revindikasaun idak-idak ConocoPhillips nian, hodi aprezenta, ba-dahuluk, antesedente no faktu istóriku sira ne’ebé kompletu kona-ba operasaun sira ConocoPhillips nian iha Tasi Timor.

Timor-Leste defende ninia direitu soberanu atu interpreta no aplika ninia lejislasaun fiskál no nia fiar katak, likidasaun fiskál sira ne’ebé mak ConocoPhillips reklama reprezenta ezersísiu adekuadu husi soberania fiskál.

Audiénsia arbitrajen kona-ba alegasaun sira ConocoPhillips nian marka ona ba fulan Juñu tinan 2014 no ita hein katak, sei halo desizaun ida lailais no imparsiál kona-ba matéria ne’e.