Ofisiál hamutuk na’in sanulu resin-neen husi Falintíl-Forsa Defeza Timor-Leste (F-FDTL), Segunda-Feira, 30 Setembru 2013, tuir kursu Apoiu ba Paz durante semana ida, iha Sentru Formasaun no Treinu (SFT) Metinaru, Dili.

Xefé Estadu Maior F-FDTL, Koronél Falur Rate Laek hateten, “kursu ne’e atu aumenta no kapasita profesionálizmu membru F-FDTL sira, atu servisu di’akliutan aban bainrua”.

Durante kursu, membru F-FDTL sira aprende no buka atu domina matéria apoiu ba paz iha área oioin hanesan, Saúde no Direitu Umanu.

Iha fatin hanesan, Diretór Kursu, Luis Branquinho, hosi Ezérsitu Portugés nian, informa, husi ema na’in sanulu resin-neen, kompostu husi kapitaun na’in 1, Tanente  (4) no  Alferis (11).