Ministru Estadu no Prezidénsia Konsellu Ministru no

Porta-Vóz Ofisiál Governu Timor-Leste

Díli, Loron 10 Fulan Setembru Tinan 2013

Timor-Leste kongratula Tony Abbott, Primeiru-Ministru australianu eleitu

 

Primeiru-Ministru Xanana Gusmão, hodi Governu no povu Timor-Leste ninia naran, hato’o kumprimentus no felisita Tony Abbott tanba hili nia sai nu’udar Primeiru-Ministru Commonwealth Austrália nian.

Xanana Gusmão dehan “povu Austrália no povu Timor-Leste nian hetan amizade ida forte no tasak no sei kontinua ho lideransa Primeiru-Ministru Abbott nian. Sei iha kestaun importante sira ne’ebé ita ninia Governu sira sei diskute ba interese ita ninia povu nian. Ita hakarak tebe-tebes atu servisu hamutuk ho espíritu ida amizade no solidariedade nian”.

Iha karta ida ba Tony Abbott, Primeiru-Ministru hato’o ninia konfiansa “atu kontinua servisu hamutuk hodi garante estabilidade no prosperiedade rejionál” no konvida Primeiru-Ministru australianu atu vizita Timor-Leste.

Governu Timor-Leste hakarak Primeiru-Ministru Tony Abbott no Governu Australianu foun hetan susesu ba iha rezultadu pozitivu sira ba povu australianu.