Sekretaria Estadu Asuntus Kombatentes Libertasaun Nasionál (SEAKLN), deside haruka ruin husi mate restu FALINTIL na’in hitu, iha Laboratóriu Universidade Medisina ida iha Austrália.

Mate restu sira ne’e, kompostu husi ema na’in lima ne’ebé mate tanba militar Indonezia mak oho iha Álas, Manufahi, tinan 1979. No na’in rua seluk mós mate iha Álas tinan 1999, tanba milisia pro Indonezia mak oho.

Sekretáriu Estadu Asuntus Kombatentes Libertasaun Nasionál (SEAKLN),  Júlio Sarmento da Costa  alias Meta Mali,iha Edifisiu Sentrál MSS-Caicoli-Dili, loron 13 fulan Agostu 2013 informa ba jornalista sira, “Mate restu sira-ne’e lori ba estranjeiru  iha loron 14 Agostu 2013 ho objetivu atu halo teste DNA, hodi prova no identifika loloos sira ninia identidade”.

Komandante Servisu Investigasaun Kriminál Nasionál, Superintendente Calisto Gonzaga, informa, “ekipa Forensik sei fila iha dia 4 Setembru 2013. Hafoin ne’e,  mak sei hato’o rezultadu teste DNA”.