Toleránsia pontu iha loron 20 fulan Agostu, tinan 2013
Prezidénsia Konsellu Ministrus
V Governu Konstitusionál
.............................................................................................................................
Díli, Loron 16 Fulan Agostu Tinan 2013
Komunikadu Imprensa
Toleránsia pontu iha loron 20 fulan Agostu, tinan 2013
V Governu Konstitusional Timor-Leste, deside fó toleránsia pontu iha loron tomak tersa-feira, loron 20 fulan Agostu, tinan 2013, ba funsionáriu hotu-hotu no ajente ministériu nian ka hosi servisu hirak ne’ebé sira integra ba, nune’e mós hosi institutu no organismu ne’ebé halo parte iha Administrasaun Indireta Estadu nian.
Desizaun ida ne’e, bazeia ba Lei n.o 10/2005, loron 10 fulan Agostu, ne’ebé determina loron feriadu nasionál no data ofisiál komemorativa sira, no foti desizaun ne'e tanba komemorasaun aniversáriu Forsa Armada Libertasaun Nasionál Timor-Leste (FALINTIL) ba dala 38.0 (tolunulu resin walu), II Desmobilizasaun Kombatentes Libertasaun Nasionál Frente Armada sira nian no Inaugurasaun Sentrál Elétrika iha Betano.
Ba funsionáriu públiku no ajente sira hotu bele marka prezensa iha komemorasaun ida-ne’e, ne’ebé hala’o iha Betano distitu Manufahi, Governu hanoin katak, tenki fó toleránsia pontu iha loron 20 fulan Agostu, tersa-feira.
