Vise Ministru Justisa, Ivo Valente,  ofisialmente loke  Formasaun Ensinu Naun Formál  ba prizineiru hamutuk ema  na’in 35 iha prizaun Becora, Dili, loron 23 fulan Jullu 2013.

Husi numéru prizioneiru ne’e, na’in 25 sei tuir programa Eskola Ensinu Naun Formál Pre-Sekundária, no na’in 12 ba Eskola Naun Formál Sekundária. Formasaun ne’e realiza liuhusi servisu hamutuk ho Diresaun Nasionál Ensinu Naun Formál husi Ministériu Edukasaun nian.

Vise Ministru Justisa, Ivo Valente, iha intervensaun hateten, “Estadu konsidera prezineiru hotu iha direitu atu hetan formasaun ka edukasaun naun  formál, hodi garante sira moris iha futuru. Nu’udar ema, ita halo sala. Maibé  nu’udar ema mós, ita hatene oinsá  atu hadi’a-aan, hodi la repete fali sala sira. Liuhosi estudu no aprende, ita ema hatene saida mak sala, saida mak loos.”

Husu ba prizineiru sira ne’ebé hetan oportunidade di’ak ne’e, atu aproveita. Husu atu tuir ho atensaun, aprende no implementa matenek ne’ebé mak simu.”

Marka prezensa iha seremónia ne’e, Diretór Nasionál Servisu Prizaun no Reinsersaun, Helder Belo, reprezentante Ministériu Edukasaun, Caritas Austrália, estudante Universitáriu no Sosiedade Sivil.