Ministériu Administrasaun Estatal (MAE), iha loron 5 fulan Jullu 2013, entrega motorizada 35 ba funsionáriu PNDS (Programa Nacional Dezenvolvimento Suku) hodi fasilita sira nia servisu lorloron.

Ministru Administrasaun Estatál, Jorge da Conceiçao Teme, sente kontente tebtebes tanba  fasilidade transporte ne’e, bele fasilita funsionáriu sira-nia servisu iha baze. Nia mós husu atu funsionáriu sira atu uza didi’ak fasilidade estadu sira-ne’e, hodi servi povu no Nasaun doben ida ne’e.

Teme hateten tan, fasilidade sira ne’e atu hakbiit no halo kaman funsionáriu sira bele hetan susesu iha projetu PNDS. “ Uza didiak ba, bazeia ba imi-nia maturidade, atu bele halo transformasaun, inovasaun no bele simu prémiu iha futuru, karik iha atu prestasaun servisu ne’ebé mak di’ak” .

Serimónia ne’e assiste diretamente hosi Sekretáriu Estadu Dezenvolvimentu Lokál, Samuel Mendança no Diretór Jeral Dezenvolvimentu Lokál, Miguel P. Carvalho, Diretór Nasionál sira, Assesor Nasionál no Internasionál sira, Adjunto Diretór Dezenvolmento Lokál, Xefé Departamentu no funsionárniu Administrasaun Estatal nian.