Sekretáriu Estadu Komunikasaun Sosiál, Nélio Isaac Sarmento, ohin dader-san husu atu ema hotu tenke kolabora no partisipa iha preparasaun no dezenvolvimentu programa SECOMS nian ba Tinan 2014, iha sorumutu ne’ebé realiza loron 27 no 28 fulan Junho, iha Fatuhada,  Dili.

Reprezentante Governu nian ne’ebé kaer pasta Komunikasaun Sosiál ne’e  halibur asesor, diretór no funsionáriu sira iha Direksaun Nasionál Diseminasaun Informasaun iha Sentru Radiu Komunidade atu hala’o debate ida konstrutivu kona-ba planu atividade ba tinan oin, hodi fo hanoin mós kona-ba prioridade ne’ebé hatur ona ba tinan 2013, atu prepara lei komunikasaun sosiál, hetan ona nia objektivu.

Iha tinan 2014, Sekretáriu Estadu Komunikasaun Sosiál hakarak atu tau buat rua hamutuk: lansamentu Ajénsia Notísias Timor-Leste ho Simeira CPLP nian sira, ne’ebé mak sei hala’o iha fulan Jullo. Iha sorumutu ne’e, Nélio Isaac fó hanoin mos katak, tinan 2014 sei sai nu’udar tinan ida determinante atu trasa Konsellu Imprensa no Institutu Nasionál ba Formasaun Jornalista sira nian.

Sorumutu ne’e hetan intervensaun hosi konvidadu espesiál na’in rua: Otélio Ote, ne’ebé koñesidu hanesan jornalista ne’ebé mak trasa retradu ida iha istória kona-ba Komunikasaun sosiál iha Timor-leste no fahe ninia ideia sira kona-ba future setór ne’e nian hodi bolu atensaun ba nesesidade atu investe iha formasaun jornalista sira nian; no Salomão Yaquim, Diretór Nasionál Orsamentu Estadu no Finansa, ne’ebé mak prepara sesaun ida kona-ba esklaresimentu siklu orsamentu Jerál Estadu nian.

Programa Governu Timor-leste nian ba tinan 2014 tenke aprezenta ona iha fulan Agostu.