Ministériu Obras Públikas (MOP), hala’o semináriu kona-ba Planu Asaun Anuál 2014, durante loron tolu hahú iha loron 12 to’o 14 fulan Juñu,  iha salaun reuniaun Diresaun Jerál Servisu Sentrál MOP nian.

Ministru Obras Públikas Gastão de Sousa, iha nia diskursu hateten, “ semináriu ne’e importante tebes  ba ministériu, atu bele  hatene saida mak ministériu ninia hakarak  atu hala’o iha tinan 2014”. Ministru husu mós ba Diretór Nasionál sira atu fó atensaun máximu  ba planu 2014,  nomos la bele haluha ezekusaun orsamentu fulan Abríl to’o Novembru nian, atu ezekuta osan ne’ebé iha, tuir kompeténsia.

Semináriu ne’e partisipa husi Ministru Obras Públikas Gastão de Sousa, Sekretáriu Estadu Elektrisidade, Januário Pereira, Sekretáriu Estadu Água Saneamentu no Urbanizasaun, Elias Pereira Moniz, Diretór-jerál Servisu Korporativu, José L.C.C Pereira Mestre,  Diretór Nasionál nomos  inklui funsionáriu Ministériu Obras Públikas nian.