Sekretáriu Estadu Seguransa, Francisco da Costa Guterres, halo abertura ba treinamentu “Planu Asaun Nasionál Bazeia ba Jéneru” ba membru polísia komunitária, membru seguransa sivíl distritu Likisá no pontu fokál Diresaun Nasionál ba Prevensaun Konflitus komunitáriu distritu Likisá nian iha distritu Likisá, iha loron  3, fulan Juñu tinan 2013.

“Objetivu husi treinamentu ida ne’e, mak oinsá atu bele loke ita-nia membru sira-nia neon kona-ba oinsá atu muda mentalidade hodi labele halo Violénsia iha uma laran, nune’e hamenus konflitu no kria hakmatek”, hateten Sekretáriu Francisco da Costa  Guterres.

Iha parte seluk, Administradór distritu Likisá, Domingos dos Santos, mós reforsa tán, “ partisipasaun ita hotu nian iha asaun atu previne violénsia importante tébes, nune’e ita-nia komunidade bele móris iha armonia iha família. Violénsia Doméstika bazeia ba Jéneru ás liu iha distritu Likisá”, tenik Domingos dos Santos.