Governu hala’o sorumutu ho Diretór-Jerál no Diretór Nasionál sira husi Ministériu no Sekretaria Estadu hotu-hotu atu define Prioridade Nasionál sira ba tinan 2014 no envelope fiskál sira (valór ne’ebé atu fó ba Ministériu no Sekretaria Estadu idaidak atu ezekuta kona-ba meta hirak ne’ebé define ona). Sorumutu ne’e, hala’o iha Salaun Nobre Ministériu Negósiu Estranjeiru no Kooperasaun, iha loron 9 no 10 fulan Maiu.
Sei hetan mós konvite atu partisipa iha workshop ida ne’e Membru Parlamentu Nasionál nian sira.
Aleinde Envelope Fiskál no Prioridade Nasionál sira ba tinan 2014, Ministériu Finansa sei aprezenta mós rezultadu sira husi implementasaun Orsamentu Jerál Estadu tinan 2012 no 2013 ne’ebé iha impaktu ba ekonomia, hanesan inflasaun, empregu no estudu barabarak ne’ebé hala’o tiha ona, ne’ebé importante mós atu garante kualidade husi implementasaun Orsamentu Jerál Estadu nian ba tinan 2014.