Primeiru-Ministru haruka surat felisitasaun nian ba Papa Francisco
Primeiru-Ministru, Kay Rala Xanana Gusmão, haruka mensajen felisitasaun nian ida ba Papa Francisco, bainhira hili nia ba Xefe Igreja Katólika nian.
Iha ninia surat, Primeiru-Ministru hahú ko’alia, “Hodi Governu no Povu Timor-Leste nian naran”, “felisita Sua Santidade ne’ebé sa’e ba Kátedra Saun Pedru nian, no hato’o ba ita ami nia fiar iha ita boot nia dignidade nu’udar papa”.
Kay Rala Xanana Gusmão fó hanoin kona-ba faktu katak Timor-Leste hanesan “Nasaun ida ne’ebé Katóliku duni”, iha ne’ebé “Igreja Katólika iha ninia knaar sentrál ida iha luta ba ami nia determinasaun no ukun-an nian, no durante ami nia momentu balun ne’ebé nakukun tebetebes, sai hanesan fonte esperansa no abrigu nian ida”. Primeiru-Ministru fó hanoin hikas vizita Papa João Pauo II, iha tinan 1989, “momentu istóriku ida ne’ebé fó inspirasaun no hafoun ami nia povu nia fiar”, tanba ne’e nia hato’o kedas konvite ba Papa foun atu halo vizita mai nasun ne’e: “Timor-Leste sei sente orgullu no hetan onra boot tebes bainhira Sua Santidade hakarak vizita ami nian nasaun ki’ik ida ne’e”.
Atu lee to’o hotu, Primeiru-Ministru, Kay Rala Xanana Gusmão, nia surat ba Papa Francisco, klik iha ne’e.
