Primeiru-Ministru hala’o vizita traballu ba Koreia Sul
Husi loron 21 to’o loron 26, Primeiru-Ministru Kay Rala Xanana Gusmão sei hala’o vizita traballu ba Koreia Sul.
Iha loron 23 fulan Fevereiru, nu’udar konvidadu onra nian no oradór, Primeiru-Ministru sei halo diskursu iha sesaun plenária Simeira Mundiál tinan 2013 nian kona-ba “Pás, Seguransa no Dezenvolvimentu Umanu”, ne’ebé hetan tulun husi Federasaun Pás Universál, ONG ida ho estatutu konsultivu ne’ebé espesiál hamutuk ho Konsellu Ekonómiku no Sosiál husi Nasoens Unidas.
Iha loron 24 fulan Fevereiru, loron ne’ebé markadu ona atu hala’o sorumutu ho traballadór timoroan sira ne’ebé mak servisu iha Koreia Sul.
Iha loron 25 fulan Fevereiru ,loron ikus ba ninia viajen, Primeiru-Ministru, sei partisipa hanesan konvidadu onra nian, iha simu pose ba Prezidente Koreia Sul, Park Guen-Hye, ne’ebé mak foin eleitu.
