Governu Timor-Leste

Sentru Formasaun Téknika iha Komunikasaun (CEFTEC, sigla iha lian Portugés), hahú tinan ne’e hó kursu ida formasaun profisionál nian bá jornalista timoroan sira.

Prosesu selesaun hala’o iha semana ikusliu fulan Janeiru nian. Husi ema na’in 15 ne’ebé tau naran, na’in 12 de’it mak selesionadu hafoin ezame admisaun nian ida ne’ebé hala’o husi ekipa pedagójika ida kompostu husi CEFTEC, husi Centro Protocolar de Formação Profissional para Jornalistas, de Portugal (CENJOR), husi tradutór ida Diresaun Nasional Servisu Tradusaun nian no husi Koordenadór Programa Apoiu bá Komunikasaun Sosiál.

Tuir Programa Apoiu ba Komunikasaun Sosiál ba tinan 2013 prevee mós formasaun sira hanesan tuir mai: formasaun ba-2 iha Lian Portugés Aplikada bá Jornalizmu, Jornalizmu Ekonómiku, Formasaun Jornalizmu iha Asuntu Jurídiku, Interasaun hó media sira no Formasaun bá Formadór sira iha Komunikasaun.

Kursu hirak ne’e hala’o iha instalasaun CEFTEC nian, iha Palásiu Governu no formadór sira husi CENJOR maka hanorin.