Sekretaria Estadu Juventude no Desportu (SEJD) hetan doasaun karreta 3 no laptop 9 hosi Governu Alemaña, liuhusi ajénsia internasionál Gesellschaft fuer Internationale Zusammenarbeit (GIZ), iha Timor-Leste. Serimónia ne’e hala’o iha sesta-feira loron 25, fulan Janeiru, tinan  2013, fatin edifísiu SEJD, Díli.

“Ohin ita hetantán apoiu karreta 3 ho laptop 9 no mós ne’ebé entrega hosi ajénsia internasionál GIZ. Nu’udar timor-oan, ita tenke agradese ba solidariedade sira ne’ebé maluk sira fó ba ita. Hau husu mós ba joventude sira, atu aproveita sasán hirak ne’e no tenke uza ho didi’ak atu nune’e bele dura iha tempu naruk no uza hodi halo servisu ne’ebé determina ona, hateten Sekretáriu Estadu Juventude no Desportu, Miguel Manetelu.

Diretór GIZ, Silvio Decurtins, iha ninia intervensaun afirma katak, “ami sente orgullu bele fó-tán suporta lojístika estra  ba ami nia parseiru nu’udar ami nia esforsu hamutuk hodi suporta juventude timor-oan no ami hein katak, servisu hamutuk ho Sekretaria Estadu Juventude no Desportu ne’e, bele la’o nafatin ho di’ak hodi bele fó benefísiu no susesu barak liu-tán ba foinsa’e sira iha Timor-Leste”.