Sorumutu Konsellu Ministru iha loron 9 fulan Janeiru tinan 2013
Prezidénsia Konsellu Ministrus
V Governu Konstitusionál
..............................................................................................................................
Díli, Loron 9 Fulan Janeiru Tinan 2013
Komunikadu Imprensa
Sorumutu Konsellu Ministru iha loron 9 fulan Janeiru tinan 2013
Governu Konstitusionál V hala’o sorumutu iha loron Kuarta ida ne’e, loron 9 fulan Janeiru tinan 2013, iha sala sorumutu Konsellu Ministru nian, iha Palásiu Governu, iha Dili, ho halo aprovasaun ba:
1. Dekretu-Lei ne’ebé aprova Orgánika Ministériu Komérsiu, Indústria no Ambiente nian
Diploma ida ne’e estabelese Orgánika Ministériu Komérsiu, Indústria no Ambiente nian, hodi kumpre Dekretu-Lei n.u 41/2012, loron 7 fulan Setembru, ne’ebé aprova Orgánika Governu Konstitusionál V no Programa Governu Konstitusionál V Repúblika Demokrátika Timor-Leste nian.
Orgánika Ministériu Komérsiu Indústria no Ambiente, halo nia adaptasaun tuir realidade no misaun foun sira hosi Ministériu iha dezenvolvimentu no kualidade servisu públiku sira nian.
2. Inisiativa atu halo limpeza jerál, iha Dili, iha loron 11 fulan Janeiru
Governu Konstitusionál V, halo kontinuasaun servisu hirak ne’ebé Governu ida uluk hala’o ona, hakotu atu kontinua aposta iha prezervasaun ambiente no hadi’a kualidade moris sidadaun sira ne’ebé hela iha Dili, hodi aprova loron ida ne’ebé dedika atu hamoos fo’er iha kapitál nasaun nian.
Governu Konstitusionál V, halo kontinuasaun servisu hirak ne’ebé Governu ida uluk hala’o ona, hakotu atu kontinua aposta iha prezervasaun ambiente no hadi’a kualidade moris sidadaun sira ne’ebé hela iha Dili, hodi aprova loron ida ne’ebé dedika atu hamoos fo’er iha kapitál nasaun nian.
Konsellu Ministru halo mós análize ba :
1. Hakotu Komisaun Nasionál Eleisaun nia mandatu
Iha sekuénsia husi sesasaun mandatu membru Komisaun Nasionál Eleisaun (KNE), Konsellu Ministru analiza artigu 5o, nu 1, c), husi Lei n.u 5, 2006, loron 28 fulan Dezembru no opsaun sira kona-ba nomeasaun ba membru sira KNE nian, ba mandatu 2013-2019.
