Sorumutu estraordináriu Konsellu Ministru loron 10 fulan Dezembru tinan 2012
Prezidénsia Konsellu Ministrus
V Governu Konstitusionál
............................................................................................................................
Díli, Loron 10 Fulan Dezembru Tinan 2012
Komunikadu Imprensa
Sorumutu estraordináriu Konsellu Ministru loron 10 fulan Dezembru tinan 2012
Governu Konstitusionál V hala’o sorumutu iha loron 10 fulan Dezembru tinan 2012, iha sala sorumutu Konsellu Ministru nian, iha Palásiu Governu Dili no aprova ona:
1. Proposta lei ne’ebé mak aprova Orsamentu Estadu Repúblika Demokrátika Timor-Leste nian ba tinan 2013
Governu Konstitusionál V sei kontinua programa susesu sira ne’ebé maka hahú tiha ona hosi Governu anteriór ne’ebé prontu ona atuhodi transforma Timor-Leste to’o tinan 2030, ba país ida ne’ebé ho rendimentu médiu-altu, ho populasaun saudável no matenek ne’ebé maka hela iha klima seguru ida. Programa Governu Konstitusionál V define polítika sira hodi konkretiza objetivu ne’e no proposta OJE agora ne’ebé iha previzaun ba dotasaun orsamentál ne’ebé presiza hodi finansia polítika sira ne’e no fó desizaun iha tinan oin mai.
Proposta Lei Orsamentu Jerál Estadu (OJE) ba tinan 2013 ne’ebé tau hamutuk reseita no despeza Estadu Timor-Leste nian hotu-hotu no kobre periódu ne’ebé kompostu husi loron 1 fulan Janeiru tinan 2013 no loron 31 fulan Dezembru tinan 2013. Totál estimadu reseita husi fontes sira hotu (petrolífera, naun petrolífera, verba husi parseiru dezenvolvimentu no reseita naun fiskál) OJE nian ba periódu ne’e maka milaun $2.2987,8 dolar norte- amerikanu. Dotasaun orsamentál sira iha dolar norte-amerikanu maka hanesan tuir maine’e:
1 – Milaun $160.257dolar ba saláriu no vensimentu;
2 – Milaun $461.744 dolar ba beins no servisu, ne’ebé milaun $ 42,448 sei hatán ba Fundu Dzenvolvimentu Kapitál Umanu nian;
3 – Milaun $236.473 ba Transferénsia Públika;
4 – Milaun $47.150 ba Kapitál Menór;
5 – Milaun $ 891.895 ba Kapitál Dezenvolvimentu, ne’ebé milaun $752.877 pertense ba Fundu infra-estrutura.
Total despeza OJE ba tinan 2013 milaun $1.797,519 dolár norte-amerikanu. La inklui servisu no fundu autónomo sira, fundu espesiál no impréstimu, totál dotasaun ba orsamentu maka hanesan milaun $862.047 dolár norte-amerikanu.
Fundu infra-estrutura (ho dotasaun orsamentál milaun $752.877 dolar inklui impréstimu) sei kontinua ajuda Governu ba konstrusaun infra-estrutura Timor-Leste nian no sai instrumentu úniku ida ne’ebé maka permite halo kontratu plurianuál ho forma ida seguru, efisiente no transparente. Saldu tranzitadu husi tinan 2012, tuir lei maka milaun $444.351 dolar.
Fundu Dezenvolvimentu Kapital Umanu ( ho dotasaun orsamental ida USD Milaun 42,448 ne’ebé Dólar Milaun $8,549 korresponde ba saldu tranzitadu husi tinan 2012, tuir lei ) permite atu asegura forma finansiamentu ida ba projetu plurianuál ho formasaun rekursu umanu, hodi aumenta kapasidade no formasaun profisionál iha setór estratéjiku dezenvolvimentu nian sira, maka hanesan: justisa saúde, infra-estrutura, agrikultura, turizmu, jestaun petrolífera no finanseira,no seluk tan.
Ho baze ba artigu 20˚ Lei n˚ 13/2009, fulan Outubru, kona-ba Orsamentu no jestaun finanseira no ba iha lei n˚ 13/2011, 21 Fevereiru, kona-ba Rejime Dívida Públika, Governu aprezenta ba Parlamentu Nasional proposta ida ho limite máximu ne’ebé iha autorizasaun hodi hetan empréstimu sira, ne’ebé tuir obrigasaun legál tenke destina de’it ba konstrusaun infra-estrutura estratéjika atuhodi halo dezenvolvimentu ba país.
2. Rezolusaun Governu nian kona-ba proibisaun faan no uza materiál pirotékniku
Uzas sasán sira pirotékniku (painxón, vela, bomba karvanál nian, fogete no estaliñu sira ) ne’e situasaun ida ne’ebé maka mosu daudaun no maka’as tebes.
Faan sasán hirak ne’e hala’o tuir autoridade kompetente sira nia hakarak no hatudu perigu ida boot ba populasaun no liuliu ba labarik kikoan sira.
Faan, lori, sunu no uza materiál hirak ne’e bele provoka asidente grave ba ema, bainhira hala’o husi ema beik sira.
Ida ne’e Estadu nia devér atu garante hakmatek ba ema hotu, hala’o kna’ar sidadaun sira nian ho di’ak, mantein órden, protesaun ba ema no sasán sira sidadaun hotu-hotu nian, Governu rezolve hodi bandu faan, lori no uza, liuhusi kualkuer forma, materiál pirotékniku no sira ne’ebé halo rasik ho liman(painxón, vela, bomba karnavál nian, fogete no estaliñu sira) to’o hetan aprovasaun ba regulamentu atu hodi haree kona-ba hahalok ida ne’e.
Maibé, bele permite uza materiál pirotékniku hirak ne’e iha festa no serimónia sira, iha fatin no oras maka determina tiha ona, liuhusi profisionál sira ne’ebé maka hatene kona-ba sasán hirak ne’e no iha lisensa husi membru Governu ne’ebé responsável ba área Seguransa no Komérsiu.
3. Dekretu-Lei ne’ebé aprova pagamentu estraordináriu ba fulan ida saláriu báziku ba setór públiku
Diploma ida ne’e aprova pagamentu estraordináriu saláriu báziku fulan ida ba dirijente Funsaun Públika, ba sira hateten iha artigu 2˚ no ba funsionáriu ho ajente sira, maske sei hanesan temporáriu, kontratadu ne’ebé pelumenus iha ona tinan ida iha data pagamentu ne’ebé defini tiha ona husi Dekretu-Lei ida ne’e.
Medida ida ne’e justu maske ho karákter exepsional, no mosu nu’udar rekoñesimentu ba servisu ne’ebé maka hala’o husi funsionáriu Estadu nian, atu hodi insentiva nia dezempeñu.
