Governu Timor-Leste

Loron: Kinta-feira, loron 8 fulan Novembru 2012
Oras: 09.00 − 18.20
Fatin: Subdistritu Atabae, distritu Bobonaro

Governu liuhosi Sekretaria Estadu ba Promosaun Igualdade (SEPI) Sei Komemora loron nasionál ba Feto Timor-Leste ho tópiku “Partisipasaun Feto iha Tempu Rezisténsia no iha Ukun Rasik An”.
Iha komemorasaun ne’e Vise Primeiru-Ministru Asuntu Sosiais, Fernando La Sama de Araujo, sei entrega rezolusaun No. 27/2011 kona-ba estabelesimentu Grupo Traballu Jéneru distritu Bobonaru, Lansamentu Standard Operational Procedure (SOP), Kari Aifunan hamutuk iha Tasi Ibun, sei fó sai testemuñu hosi Feto rezistérnsia na’in 2 kona-ba oinsá haree kona-ba tempu pasadu no agora, Aprezentasaun Parlamentu Joven Fo’in Sa’e hosi subdistritu Atabae kona-ba “Papél Feto Iha Dezenvolvimentu” Kompetisaun diskursu ho tópiku “Partisipasaun Feto iha Tempu Rezisténsia no iha Ukun Rasik An”, no jogu amizade bola volley ekipa SEPI ho ekipa Atabae nian.