Governu Timor-Leste

Sekretaria Estadu Polítika Formasaun Profesionál no Empregu (SEPFOPE), organiza semináriu Internasionál ba Formasaun Profisionál, ne’ebé sei realiza durante loron rua hahú loron 20 to’o 21 fulan Setembru 2012, iha salaun Delta-Nova, Komoro, Dili, oras 08.00 to’o remata.
Primeiru-Ministru, Kay Rala Xanana Gusmão, no Sekretáriu Estadu Polítika Formasaun Profesionál no Empregu, ilidio Ximenes da Costa, sei halo abertura no hato’o sira nia diskursu.

Tema no oradór sira sei ko’alia iha loron dahuluk mak hanesan
- Kria oportunidade formasaun iha Timor-Leste (konkista no dezafiu), ne’ebé sei hato’o hosi Albano Salem
- Dezenvolvimentu padraun kualidade nian ba Timor-Leste (Konkista no Dezafiu), hosi, Isabel Lima
- PLanu Estratéjiku ba Ensinu Formasaun Ténika no Profisionál (EFTP) iha Timor-Leste, hosi Tony Mcrae
- Kria oportunidade ba empregu iha Timor-Leste, hosi, Paulo Alves, Diretór DNE
- Partisipasaun Jovens sira nian iha formasaun ne’ebé atu orienta ba merkadu iha rejiaun Ázia Pasífiku nian, hosi, OIT
- Relasaun Sistema Informasaun Merkadu Traballu nian ho Oportunidade ba empregu
- Garante partisipasaun maxima timor-oan sira nian iha indústria petróliu no gás, hosi Gualdinho do Carmo da Silva, Prezidente ANP
- Dezenvolvimento formasaun ho kualidade iha petróliu no gás (estudu kazu hosi australianu nian ida)

Tema no oradór sira iha Loron daruak:
- Dezenvolvimentu kondisaun ne’ebé justu iha servisu nian ba traballadór timor-oan sira, hosi Manuel Noronha, Diretór Relasaun Traballu nian
- Garante ambiente servisu nian ne’ebé siguru no efikaz iha Timor-Leste, (leis, regulamentu no prosedimentu sira)
- Buka forsa servisu nian ida ne’ebé ho kualidade, (expetativa ba indústria), hosi João Baptista, CCI-TL
- Defeza ba direiro traballadór timor-oan sira nian, hosi José Conceição, Konfederasaun Sindikatu Timor-Leste.
- Promove oportunidade ba servisu ida ne’ebé loos iha Timor-Leste, hosi, Bendito dos Santos Freitas, Ministru Edukasaun.