Sorumutu Estraordináriu Konsellu Ministru loron 14 fulan Setembru tinan 2012
Prezidénsia Konsellu Ministrus
V Governu Konstitusionál
-----------------------------------------------------------------------------------------------------
Díli, loron 14 fulan setembru tinan 2012
Komunikadu Imprensa
Sorumutu Konsellu Ministru loron 14 fulan Setembru tinan 2012
Governu Konstitusionál Da-V hala’o sorumutu estraordináriu iha sesta-feira loron 14 fulan Setembru tinan 2012, iha sala Konsellu Ministru, iha Palásiu Governu Dili no aprova ona:
1. Primeira Alterasaun ba Lei n.º16/2011 ne’ebé aprova Orsamentu Jerál Estadu nian ba tinan 2012
Governu Konstitusionál Da-V simu filozofia hanesan Governu Konstitusionál Da-IV no iha sentidu ida ne’e kumpri hodi fó kontinuidade ba implementasaun programa sira ne’ebé mak sei lori susesu lejizlatura anteriór nian, implika prosegimentu programa ne’ebé mak hahú tiha ona no atu hahú sira seluk.
Knar atu hatutan ne’e, reflete mós ba nesesidade atu fó forma no konteúdu ba no konteúdu ba pilár sira ne’ebé estabelese ona liuhusi Planu Estratéjiku Dezenvolvimentu nian: Dezezenvolvimentu ba Kapitál Sosiál, Dezenvolvimentu Infra-estrutura no Dezenvolvimentu Ekonómiku.
Alterasaun ba lei no 16/2011 ne’e nian, loron 21 fulan Dezembru tinan 2011, ne’ebé aprova Orsamentu-Jerál Estadu nian ba tinan 2012, la aumenta la hamenus ho totál OGE nian ne’ebé mak aprova tiha ona husi lei suprasitada. Alterasaun ne’e halo de’it reafetasaun ida ba verba orsamentada, ne’eb’e mak hatete kona-ba Aneksu II,III no IV lei ne’e nian.
Tanba ne’e, ne’ebé mak transfere tiha ona hosi Fundu infraestrutura nian liu oituan husi miliaun $ 55 dolár amerikanu ba projetu rua iha Tasi-Mane no ba despeza ne’ebé lahala’o iha Fundu Konsolidadu, hodi bele kobre nesesidade hanesan tuir mai ne’e:
- Pensaun ba Veteranus – millaun $26,9;
- Subsídiu ba Idozu sira – millaun $7,1;
- Fundu ba Kontinjénsia – millaun $6,1;
- Ministériu Defeza no Seguransa – millaun $2,9;
- Ministériu Edukasaun – millaun $1,7;
- Bein no Servisu – millaun $2,4;
- Transferénsia ba Igreja no Sosiedade Sivíl – millaun $1,4;
- Ministériu Saúde – millaun $1,2;
- Operasaun Berlin-Nakroma nian – millaun $1,2;
- Bee no Saneamentu – millaun $1,2;
- Institutu Jestaun Ekipamentu nian – millaun $ 1,2;
- Auditoria Esterna – miliaun $1,1;
- Pagamentu ikus ba LIFESE husi Sekretáriu Estadu Defeza – millaun $1,1.
