Timor-Leste atribui licença de telecomunicações à Viettel
REPÚBLICA DEMOCRÁTICA DE TIMOR LESTE
MINISTÉRIO DAS INFRA-ESTRUTURAS
---------------------------------------------------------------------------------------------------
Loron 11 fulan Jullu 2012
Timor-Leste fó lisensa ba Telekomunikasaun Viettel
Díli, loron 11 fulan Jullu 2012: Governu Repúblika Demokrátika Timor-Leste anunsia katak Viettel Global Investment JSC (Viettel) husi Vietname, sei simu lisensa Telecomunikasaun la’os Digicel Pacific Limited (Digicel).
Governu anunsia, iha loron 28 fulan Junu 2012, katak lisensan telekomunikasaun foun rua uluk ne’e atribui iha prosesu liberalizasaun ba sektór, iha Timor-Leste, sei fó ba Digicel no ba PT Telekomunikasaun Indonesia Internasional (Telin). Maibé Digicel dada sai fali ninia kandidatura. Regra konkursu públiku, ne’ebé mak hakerek iha Proposta ba Kandidatura iha loron 12 fulan Abril 2012, prevee fó lisenca, iha sirkunstánsia ne’e, ba kandidatu ne’ebé simu nia pontuasaun besik ho prosesu selesaun nian. Ba ne’e mak Viettel hetan meiu pontu menus hosi Digicel, iha pontuasaun ida zeru to’o atus ida. Oras ne’e deklara ona katak, Viettel mós sai nu’udar kandidatu selesionadu, ne’ebé tuir regra sira husi prosesu konkursu nian.
Ho reseita tokon rihun neen iha 2011, Viettel ne’e hanesan fornesedór ida importante ba servisu telekomunikasaun ho operasaun iha Ásia (Vietname, Camboja no Laos), África (Moçambique) no iha Sul América no Caríbas (Haiti no tuir mai Peru). Iha asinante liu tokon 61 iha mundu tomak, ho rede ne’ebé abranje besik ema tokon 170, hodi fornese servisu ho presu kompetitivu. Viettel promete atu fornese rede ida móvel telefone GSM nian no asesu ba Internet ho velosidade ida boot 3G, hahú atinji ba populasaun pursentu 93 no iha tinan tolu nia laran atinji pursentu 95.
Lisensiamentu ba Viettel no Telin ne’ebé sira nain rua sai nu’udar operadór boot telekomunikasaun nian ho rezultadu sólidu no signifikativu iha experiénsia merkadu internasional ne’ebé ho rendimentu ki’ik, sei garante introdusaun konkorensia ida saudável iha Timor-Leste. País oras ne’e prepara hela ba sektór telekomunikasaun ida forte hodi oferese ba populasaun no ba empresa presu ki’ik liu, kualidade servisu di’ak, kobertura ida boot no servisu oioin ne’ebé luan.
Atu hatene liután informasaun kona-ba liberalizasaun setór Telekomunikasaun Timor-Leste nian, inklui Proposta Kandidatura ne’ebé tuir regras konkursu bele konsulta iha www.telecomsliberalisation.tl
