Lansamentu Portál Programa Rádiu Governu nian: ACBD
IV GOVERNU KONSTITUSIONÁL
SEKRETARIA ESTADU KONSELLU MINISTRU
..........................................................................................................................................................
KOMUNIKADU IMPRENSA
Lansamentu Portál Programa Rádiu Governu nian: ACBD
Programa Rádiu Governu Adeus Konflitu Benvindu Dezenvolvimentu (ACBD), hetan espasu, iha internét, iha www.radio.acbd.gov.tl. Lansamentu ofisiál sítiu ne’e husi Vise-Primeiru-Ministru, iha loron 25 fulan Maiu, oras tuku 10, iha sala Vise-Primeiru-Ministru nian, Iha Palásiu Governu Dili.
Programa ne’ebé Governu ACDB mak resposabiliza ne’e fó sai semana- semana iha Rádiu Timor-Leste-RTL, Emisora Nasionál, iha frekuénsia 91.7 FM, ho lian rua:Tetun, ba iha loron tersa-feira (oras tuku 19, diretu) no lian portugés ba iha loron Domingu (iha oras tuku 16 hafoin simu tiha notísia ne’ebé atu fó sai ne’e).
Durante oras ida nia laran, rona nain ACBD sei hatene hotu atividade Governu nian no sorumutu Parlamentu Nasionál, entrevista, notísia, ajenda no komunikadu imprensa. Hahú husi loron 25 fulan Maiu, bele hetan asesu ona ba programa ne’e, e nune’e mós liuhusi internét iha. www.radio-acbd.gov.tl, hodi habelar nia difuzaun nasionál no pasa fronteira Timor-Leste, hodi to’o fatin ne’ebé dook liu, liuliu ba komunidade timoroan sira ne’ebé hela iha estranjeiru, ne’ebé hetan asesu lais liu no atualizada kona-ba saida de’it mak foin daudaun akontese liubá iha país nia laran.
Portál ida ne’e sei fó sai ba rádiu komunidade timoroan nian ho programa dezenvolvimentu lokál.
Ho Portál ACDB, programa Rádiu Adeus Konflitu Benvindu Dezenvolvimentu tama mós, iha rede sosiál, ho kolega sira, iha facebook no iha twitter, hodi lori Governu Timor-Leste tama iha ferramenta Teknolojia foun nian.
