Lansamentu Portál Programa Rádiu Governu-nian: ACBD
Programa Rádiu Governu Adeus Konflitu BenvinduDezenvolvimentu (ACBD) lansa tiha ona iha loron 25 fulan Maiu, óras tuku 10 iha sala Vise-Primeiru-Ministru-nian iha Palásiu Governu, iha Díli.
Programa ne’ebé Governu ACBD mak responsabiliza ne’e fó sai semana-semana, iha Rádiu Timor-Leste-RTL, Emisora Nasionál, iha frekuénsia 91.7 FM, ho lian rua-nian: Tétun, ba iha loron tersa-feira (óras tuku 19, diretu) no iha lian Portugés, ba iha loron Domingu (iha óras tuku 16, fó sai notísia kona-ba eventu ne’ebé mak foin mosu liubá).
Hahú iha loron 25 fulan Maiu, programa sei fó liuhosi Internet, iha www.radio-acbd.gov.tl.
Portál ida-ne’e sei fó fatin ba rádiu komunidade timoroan-nian ho programa dezenvolvimentu lokál.
Ho Portál ACBD-nian ida-ne’e, programa rádiu Adeus Konflitu Benvindu Dezenvolvimentu tama, moos iha rede sosiál, ho Kolega Sira, iha facebook no iha twiter.
