Eleisaun Lejislativa sei hala’o iha loron 7 fulan Jullu, Prezidente Repúblika, Dr. José Ramos Horta publika ona iha loron 11 fulan Abril daudaun ne’e, iha komunikadu imprensa.
“Prezidente Repúblika, Dr.José Ramos Horta, marka ona iha tersa-feita liuhusi dekretu kona-ba data eleisaun Deputadu Parlamentu Nasionál sira nian ba lejislatura datolu, ne’ebé sei hala’o iha fulan Jullu oin mai, iha loron 7 (sábadu)”, fó sai liuhusi dokumentu ne’e.
Xefe Estadu marka ona data ne’e tuir lei ne’ebé maka vigora no hafoin rona tiha Governu no partidu polítiku sira ho asentu parlamentár.