Toleránsia pontu iha 5 no 9 fulan Abril tinan 2012
IV GOVERNO CONSTITUCIONAL
SECRETARIA DE ESTADO DO CONSELHO DE MINISTROS
.............................................................................................................................................
KOMUNIKADU BA IMPRENSA
Toleránsia pontu iha 5 no 9 fulan Abril tinan 2012
IV Governu Konstitusionál Timor-Leste nian diside ona fó toleránsia pontu hosi loron 5 no loron 9 fulan Abril, durante loron tomak, ba funsionáriu no ajente ministériu sira ka servisu ne’ebé sira depende ba, nune’e mós institutu no organizmu ne’ebé tama iha administrasaun indireta Estadu nian.
Desizaun ida-ne’e bazeia ba Lei nº 10/2005 loron 10 fulan Agostu nian, ne’ebé estabele rejime jurídiku ba loron feriadu, data komemorativa no toleránsia pontu sira. Entre data ofisiál komemorativa hirak ne’e, Kinta-feira Sanda mak iha tinan-tinan la monu iha loron hanesan.
Kinta-Feira Santa, tinan ida-ne’e sei selebra iha loron 5 fulan Abril, loron ikus kuarezma nian no hahú Triduu (loron tolu tuituir malu) paskál iha kalendáriu relijiaun katólika nian, ba Komunidade Kristaun Timor-Leste, no loron ne’e nu’udar loron boot no importante tebes-tebes ba komunidade Kristaun Timor-Leste nian. Ho faktu ida-ne’e Governu hola desizaun fó toleránsia pontu, durante loron tomak.
Fulan ne’e duni hahú iha loron 9, fó toleránsia pontu hodi ida-idak fila ba nia uma, hafoin selebrasaun Domingu Páskoa nian hamutuk ho família sira iha distritu.
