Sorumutu estraordinária Konsellu Ministru loron 26 Marsu 2012
IV GOVERNU KONSTITUSIONÁL
SEKRETARIA ESTADU KONSELLU MINISTRU
.............................................................................................................................................
KOMUNIKADU IMPRENSA
Sorumutu estraordinária Konsellu Ministru loron 26 Marsu 2012
Konsellu Ministru hala’o sorumutu estraordinária ida iha segunda-feira ne’e, loron 26 fulan Marsu 2012, iha Sala Sorumutu Konsellu Ministru nian, iha Palásiu Governu, Dili, no aprova ona:
1. Rezolusaun Governu nian ne’ebé aprova Akordu Tranzasaun entre Estadu Timor-Leste nian no Timor Telecom
Akordu Tranzasaun entre Estadu Timor-Leste no Timor Telecom ne’e termina ho Kontratu Konsesaun, ne’ebé asina ona hosi parte rua, iha fulan Jullu 2002, atu vigora to’o tinan 2017.
Akordu Tranzasaun, ne’ebé hetan aprovasaun hosi Konsellu Ministru, estabelese rejime jerál úniku ida bainhira halo transferénsia rede ativu sira ba Timor Telecom, fó direitu arrendamentu balu no uzu ba rai propriedade Estadu nian no regula liu-liu atividade telekomunikasaun sira ne’ebé hala’o hosi Timor Telecom, iha kontestu reforma nian iha setór telekomunikasaun sira, tuir hatuur ona iha Polítika Nasionál Telekomunikasaun Timor-Leste nian no iha Dekretu-Lei ne’ebé liberaliza telekomunikasaun sira. Governu bele hala’o kualkér pagamentu kompensasaun ho osan ba Timor Telecom, hodi simu, uluk, empreza nia propriedade husi nia ativu telekomunikasaun sira.
Ne’e hanesan Akordu ida ekilibradu ne’ebé limita risku ba parte rua hotu hodi fó oportunidade ba Estadu atu hetan lukru liuhosi kreximentu fiskál no asionista.
Akordu Tranzasaun entre Estadu no Timor Telecom sei asina iha loron 27 fulan Marsu 2012, iha Sala Sorumutu Konsellu Ministru nian, oras 8:30.
