Graduasaun ba Programa Baxarelatu noturnu
Ministériu Edukasaun liuhusi Institutu Nasionál Formasaun Dosente no Profisionál Edukasaun (INFORDEPE) sei realiza graduasaun programa Baxarelatu noturnu iha loron 23 no 24 fulan Fevereiru.
Komemorasaun hirak ne’e marka ho graduasaun ba profesór na’in 634 husi Institutu ne’e, ne’ebé na’in 279 hosi área Lian Portugés, na’in 54 hosi Ensinu Primáriu, na’in 135 hosi Biolojia, na’in 28 hosi Fízika, na’in 128 hosi Matemátika no na’in 10 hosi Kímika.
Komemorasaun ne’e sei iha momentu esensiál rua tuir ajenda tuir mai:
23 Fevereiru
Tuku 9.00 – Reverendísimu Vigáriu Jerál Apolinário Guterres mak selebra misa ba finalista sira iha Katedrál Vila Verde, Dili.
24 Fevereiru
Tuku 9.00 – Serimónia graduasaun iha CCD (Sentru Konvensaun Dili) iha Dili, ho prezensa Ministru Edukasaun João Câncio Freitas nian.
