III Sorumutu Ministeriál Movimento Não-Alinhado kona-ba Dezenvolvimentu Feto nian
Sekretária Estadu ba Promosaun Igualdade (SEPI), Idelta Maria Rodrigues, sei partisipa iha Sorumutu ba datoluk Ministeriál Movimento Não-Alinhado (MNA) kona-ba Dezenvolvimentu Feto nian ne'ebé sei hala'o iha sidade Doha, rai Qatar, iha loron 12-14 Fevereiru. Hamutuk nasaun 120 membru MNA mak sei partisipa iha Sorumutu Ministeriál ne'e.
Timor-Leste sei hato'o deklarasaun ofisiál kona-ba esforsu sira ne'ebé Timor-Leste hala'o hodi dezenvolve feto, liu-liu kona-ba orsamentu, ba Jenéru, implementasaun Lei Kontra Violénsia Doméstika, no progresu iha área empregu, lejislasaun, saúde no polítika.
Sorumutu ministérial kona-ba Dezenvolvimentu Feto ne'e mak parte ida hosi esforsu ne'ebé organizasaun Movimentu Não-Alinhado (MNA) hala'o hodi hadi'ak kondisaun feto sira nian iha nasaun membru ida-idak.
