Primeiru-Ministru halo vizita ba Austrália
Primeiru-Ministru Kay-Rala Xanana Gusmão, halo vizita ba Austrália iha loron 17 to’o loron 23 fulan Fevereiru.
Iha Loron 17, Xefe Governu sei bá Camberra hasoru malu ho nia omóloga, Primeira-Ministra, Julia Gillard. Hosi Kapitál Australia nian, Kay-Rala Xanana Gusmão sei bá iha Sydney fatin ne’ebé mak nia sei bá partisipa iha serimónia komemorasaun ba tinan 70 hahú Batalla iha Tasi Timor.
Iha loron 20, Primeiru-Mnistru sei bá halo lansamentu livru “ Xanana Gusmão:Estratéjia ba Futuru”.Ko’alia kona-ba diskursu balun ne’ebé fó sai entre tinan 2007 no tinan 2011 kona-ba kestaun sira hanesan dezenvolvimentu, governasaun, sorumutu internasionál lei no seguransa. Governadora Estadu Nova Gales Sul (NSW) nian, Profesora Marie Bashir AC CVO, sei partisipa iha serimónia ba lansamentu livru nian ne’e.
Primeiru-Ministru sei desloka ba Melbourne ne’ebé sei hasoru malu ho Governadór Alex Chernov no mós Peter Ryen, ne’ebé mak kaer provizória hela kargu Primeiru-Ministru Estadu Vitória nian.
