Ministériu Justisa, iha loron segunda-feira 31, fulan Janeiru halo lansamentu ba publikasaun mapa rai nian iha subdistritu Nain Feto no Vera Cruz, distritu Díli.

Ministra Justisa, Lúcia Lobato, iha ninia diskursu hateten “problema rai hanesan problema ne’ebé kompleksu maibé nia iha ligasaun ho ita nia moris loroloron, maibé atu rezolve problema sira ne’e presiza lei. Ohin ita publika mapa rai nian iha distritu Díli, iha loron ohin ita nia deputadu sira iha Parlamentu Nasionál mós halo hela diskusaun hodi aprova ona Lei Terras, Lei Fundu Finanseiru, imobiliariu no Lei Espropriesaun.

Diretór Terras Propriedade no Servisu Kadastrál distritu Dili, Francisco Borges, hateten, “totál parsella ba distritu Díli nian hamutuk parsella 31.969, la inklui subdistritu Atauro no subdistritu Metinaro, tuir planu subdistritu rua ne’e ekipa foti dadus sei ba sukat iha tempu badak, nune’e Diretór ne’e tenik tan katak publikasaun mapa iha distritu Díli ba etapa dahuluk mak subdistritu Nain Feto no Vera Cruz ho área kolesaun 15 mak hanesan, suku Gricenfor, Santa Cruz, Bidau Lecidere, Akadiru-hun, Bemori, Lahane Oriental, Mascarenhas, no suku Caicoli.

Iha fatin hanesan administradór distritu Dili, Jaime Correia husu ba autoridade lokál hanesan xefe suku no xefe aldeia sira tenke servisu hamutuk ho Diresaun Terras Propriedade hodi bele fó informasaun ne’ebé loos, tanba deklarasaun ka informasaun ne’ebé falsu.