Governu Timor-Leste

Fórum kona-ba Kresimentu Inkluzivu
Sentru Konvensaun Díli
Loron 6 no 7 fulan Fevereiru
Oras 08.30 to’o 17.30

Iha sekuénsia Tinan Internasionál ba Koperativa, Ministériu Ekonomia no Dezenvolvimentu Governu Timor-Leste nian, PNUD, GIZ no aktór dezenvolvimentu sira seluk, propoin fórum nasionál ida ne’ebé besik ba sektór koperativu no sektór privadu lokál, lejizladór nasionál, profisionál, emprezáriu, aktór sosiedade sivil, espesialista no parseiru dezenvolvimentu sira, hodi bele fahe koñesimentu no esperiénsia ne’ebé fó estímulu, iha espíritu emprendedór no aumenta produtividade liu husi vizaun ba kresimentu ekonómiku inkluzivu.

Objetivu Fórum ida ne’e kona-ba Kresimentu Inkluzivu nian mak hanesan:

1. Fó konta ba atividade ekonómika inkluziva ne’ebé iha susesu diak iha Timor-Leste to’o ohin loron liu husi identifikasaun prátika diak mikro, pekena no média empreza no koperativa.

2. Hala’o hanesan plataforma ida komum atu fahe no habelar koñesimentu no kordenasaun entre aktór sektór públiku, privadu no koperativa sira nian iha sira nia haka’as-an ba kriasaun negósiu no biban ba traballu, kadeia ba valor no produsaun no iha promosaun ba merkadu internu ida.

3. Buka abordájen prátika no simplifikada atu sira ne’ebé mak desfavoresidu liu, feto no foin sa’e sira, bele hahú, habelar no mantén sira nia negósiu, nune’e mós atu Governu, hamutuk ho movimentu koperativa sira nian, sektór privadu no parseiru relevante sira seluk, bele dezenvolve enkuadramentu lejislativu ida, nune’e mós servisu no investimentu sira ne’ebé hamoris ona atu fó insentivu ba produtividade no fó aten barani atu hala’o emprendimentu entre emprezáriu Timor oan sira.