IV GOVERNU KONSTITUSIONÁL

SEKRETARIA ESTADU KONSELLU MINISTRU

……………………………………………………………………………………………………………………………

KOMUNIKADU IMPRENSA

Sorumutu estraordinária Konsellu Ministru 30 Janeiru 2012

 

Konsellu Ministru hala’o sorumutu estraordinária iha segunda-feira ne’e, loron 30 fulan Janeiru 2012, iha Sala Sorumutu Konsellu Ministru, iha Palásiu Governu, iha Díli, no analiza ona:

1. Pontu situasaun kona-ba preparasaun ba eleisaun no ba loron boot sira iha tinan 2012

Tuir servisu preparasaun ba eleisaun prezidensiál no lejislativa ne’ebé Konsellu Ministru dezenvolve iha fulan hirak ikus ne’e, iha segunda-feira ne’e, loron ne’ebé mak Primeiru-Ministru fila hikas husi vizita ofisiál ba Qatar no Alemanha, Governu hala’o hikas fali sorumutu atu hodi halo atualizasaun ida ba kna’ar sira ne’ebé  mak dezenvolve tiha ona no koordena prosesu, atu hodi garante susesu di’ak husi aktu  eleitorál rua ne’ebé marka tiha ona iha tinan ne’e.

Ho objetivu ida ne’e duni, Konsellu Ministru analiza ona, ho Komisaun Organizadora ba loron Boot sira iha 2012 (Tinan sanulu Restaurasaun ba Independénsia Timor-Leste, tinan atus ida (100) Revolta Manufahi no tinan atus lima (500) portugés sira to’o iha Timor)  nu’udar atu prepara eventu boot tolu ne’e.