Vise Primeiru-Ministru, José Luis Guterres, ne’ebé akompaña hosi Sekretáriu Estadu Defeza, Júlio Tomás Pinto, no membru Governu tomak halo vizita ba kontrusaun edifisiu foun Ministériu Defeza no Kuartél-Jerál F-FDTL, iha loron 11 fulan Janeiru, iha Fatuhada Dili.

Júlio Tomás Pinto hatete “prosesu konstrusaun edifisiu Ministériu Defeza no Kuartel Jerál F-FDTL ne’e, atinji ona porsentu sianulu resin lima. Agora daudauk sei hein hela kontrusaun jardin nian no instalasaun eletrisidade balun, tanba ne’e sira dehan ba ha’u katak iha Marsu mak sira bele entrega ona mai ita.

José Luis Guterres, hatuir “Ita hotu laran ksolok tanba kleur ona, tinan sanulu resin mak ita nia forsa defeza seguransa nomós Ministériu Defeza laiha estabelesimentu ida ne’ebé apropriadu atu ita-nia forsa defeza no seguransa sira bele halao servisu tuir knar ne’ebé konstituisaun fó ba instituisaun ida ne’e. Ohin ne’e mai atu haree de’it no iha fulan Marsu tinan ida ne’e mak governu Xina sei enrega edifisiu ne’e mai ita.

Majór Jenerál, Lere Anan Timur informa “kontrusaun edifisiu Ministériu Defeza no Kuartél Jerál F-FDTL iha nia kualidade internasionál duni, tanba ne’e ita tenke fó obrigadu ba Governu Xinés”.