IV GOVERNU KONSTITUSIONÁL

SEKRETARIA ESTADU KONSELLU MINISTRU

……………………………………………………………………………………………………………………………

KOMUNIKADU IMPRENSA

Toleránsia pontu iha loron 23 Janeiru 2012

IV Governu Konstitusionál Timor-Leste deside fó toleránsia pontu iha loron 23 Janeiru 2012, durante loron tomak, ba funsionáriu no ajente hotu-hotu husi ministériu ka servisu dependente sira, nune’e mós ba instituisaun no organizmu integradu iha administrasaun indirekta Estadu nian.

Desizaun ne’e bazeia ba Lei n.^o 10/2005, loron 10 fulan Agostu, ne’ebé determina loron feriadu nasionál, data ofisiál komemorativa no toleránsia pontu sira.

Iha loron 23 Janeiru sei hala’o komemorasaun ba Tinan Foun Xina nian, haree ba  komunidade orijen Xineza ne’ebé rezidente iha País barak tebe-tebes, tanba ne’e, Governu entende nu’udar dever ida atu fasilita partisipasaun funsionáriu públiku sira iha komemorasaun ne’e, hodi fó toleránsia pontu durante loron tomak.