Sekretaria Estadu Joventude no Desportu organiza Festivál Desportu Eskolár, ne’ebé hahú iha loron 2 to’o loron 9 fulan Dezembru iha Díli.

Partisipante iha eventu ne’e mai hosi estudante iha distritu 13, ne’ebé Distritu ida-idak reprezenta estudante hamutuk ema nain limanulu resin ualu, ho sira nia profesór, treinadór no ofisiál sira. Total partisipante hamutuk atus ualu haatnulu resin-lima.

Sekretáriu Estadu Juventude no Desportu, Miguel Manetelo iha ninia diskursu, bainhira loke festivál ne’e hateten katak, liu hosi desportu eskolár ne’e bele hetan atleta sira ne’ebé di’ak hodi kompete iha kompetisaun jogu profisionál iha nivel altu.

Miguel Manetelo kongratula profesór, treinadór no ofisiál sira hosi distritu hotu ne’ebé konsege organiza estudante sira hodi partisipa iha eventu ne’e, ha’u hein katak, atividade ne’e sei la’o ho di’ak to’o remata.

Prezidente Komisaun Organizadór João R.M Rodrigues, informa mós katak, ne’e  eventu dahuluk ne’ebé  involve mós distritu 13, tanba antes ne’e iha tinan 2005 to’o 2010, desportu eskolár nivel nasionál reprezenta de’it hosi rejiaun 5.