Governu Timor-Leste, liu hosi Ministra Finansas Emilia Pires no Ministru Negósiu Esntranjeiru Austrália, Kevin Rudd, iha loron 1 fulan Novembru tinan ida ne’e iha  Sentru Konvensaun Bexco, Busan, Koreia do Sul asina akordu entendimentu (MoU) kona-ba apoiu Austrália nian ba Timor-LEste iha implementasaun New Dedal.

Ministra Finansa Timor-Leste, Emilia Pires, hateten “Durante ne’e doadór sira fó tulun ba rai frájil sira, maibé liu hosi de’it sira nia ajénsia ka ajénsia mundiál sira, tanba ne’e, tulun sira ne’e dala barak la atinji tuir rai frájil sira nia objetivu. Nune’e, tulun doadór sira nian la iha efetividade hodi rezolve problema rai frájil sira nian. Tanba ne’e, ho new deal ne’e, Austrália fó apoiu diretu ba TL tuir sistema estadu Timor-Leste nian rasik hodi atinji Millennium Development Goals (MDGs).

Ministru Negosiu Estranjeiru Austrália, Kevin Rudd, afirma katak, “Austrália kontinua suporta Timor-Leste iha setór agrikultura, saneamentu (bee mos), no fó asisténsia rekursu umanu ba sistema finansa nian. Aleinde ne’e, dezde tinan 1999, Austrália fó apoiu ba Timor-Leste hodi refórsa harii sistema governasaun, no fó apoiu ba iha setór defeza ho seguransa.

New deal ne’e fórte iha nasaun avansadu sira nia futar matan, tanba nia substansia maka’as liu hodi muda doadór sira nia komportamentu fó tulun ba nasaun frájil sira. tanba durante ne’e doadór sira fó tulun ba nasaun frájil sira, maibe la iha nia finalidade ida diak, tanba la apar ho sistema estadu ida-idak nian.