IV GOVERNU KONSTITUSIONÁL
SEKRETARIA ESTADU KONSELLU MINISTRU
……………………………………………………………………………………………………………………………
KOMUNIKADU IMPRENSA
Sorumutu Konsellu Ministru iha loron 7 fulan Dezembru tinan 2011
Konsellu Ministru hala’o sorumutu iha Kuarta-feira iha loron 7 fulan Dezembru tinan 2011, iha sala sorumutu Konsellu Ministru, Palásiu Governu Dili no aprova ona:
1. Dekretu-Lei ne’ebé mak aprova pagamentu Estraordináriu saláriu báziku fulan ida nian iha setór públiku
IV Governu konstitusinál dezenvolve polítika prezervasaun ida ba Rekursu umanu ne’ebé liga ho atividade estadu Timor Leste nian hodi rekoñese servisu ne’ebé hala’o husi funsionáriu Estadu nian no iha tempu hanesan, atu bele atrai servisu ida ho di’ak liután.
Dekretu lei ne’e aprova pagamentu estraordinária saláriu báziku fulan ida nian ba funsionáriu no ajente sira, maske sira sei temporáriu hela maibé hetan ona kontratu pelumenus to’o ona tinan ida iha data selu nian ne’ebé defini tiha ona liu husi Dekretu-Lei ne’e, ba dirijente Funsaun Públika nian, ba sira ne’ebé define iha iha artigu 2 o no ba membru orgaun sobaránia Estadu nian.
Medida ne’e hanesan, maske ho karatér esepsionál.
2. Proposta Rezolusaun Governu nian kona-ba Akordu Dupla Tributasaun ho Portugál
Dekretu Lei ne’e ho objetivu atu estabelese kompromisu entre Repúblika Portugeza no Repúblika Demokrátika Timor –Leste hodi halakon ona dupla tributasaun no estabelese mekanizmu kooperasaun entre parte rua ne’e hodi previne evazaun fiskál iha matéria impostu kona-ba rendimentu.
3.Dekretu Governu nian ne’ebé mak aprova alterasaun ba-dala haat ba Dekretu Governu nian ne’ebé regulamenta Estatutu Titulár Orgaun Soberania nian
Lei no 7/2007. loron 25 fulan Jullu, aprova ona Estatutu Titulár sira orgaun soberania nian, ne’ebé regulamenta liu husi Dekretu Governu no 2/2007,iha loron 1 fulan Agostu.
Ho baze ba iha esperiénsia implementasaun ba diploma ne’ebé temi ona, mosu fila fali nesesidade atu altera Dekretu Governu no 2/2007, iha loron 1, fulan Agostu, atu hodi defini di’ak liután diretu no regalia`sira ne’ebé prevee tiha ona iha Dekretu ne’e, atu nune’e bele sai sistema transparante no sustentável ida, ne’ebé rekoñese no mós hasa’e importánsia eis-titulár sira orgaun soberania nian ba Timor-Leste.