Ministériu Edukasaun, liu husi Institutu Nasionál Formasaun Dosente no Profisionál Edukasaun  nian, hala’o serimónia graduasaun Baxarelatu Edukasaun nian ba dala rua, iha loron 14 fulan Outubru iha Balide, Díli.

Serimónia ne’e ho tema” importánsia Edukasaun la’ós forma Merkadu traballu ida maibé mós hodi forma Nasaun ida ho nia ema ne’ebé mak iha kapasidade atu hanoin”, fó diploma ba ema graduandu sira nain 197 husi distritu Baukau, Maliana no Oekuse.

Tanba atu labele husik de’it, Ministru Edukasaun João Câncio de Freitas, no Maria da Costa, nu’udar Prezidente ba Institutu Nasionál Formasaun Dosente no profisionál Edukasaun nian, halo diskursu ba graduandu sira no konvidadu sira seluk entre sira mak hanesan Embaixadór Portugál, Embaixadór Brazíl no Retór UNTL nian.

Maria da Costa hatudu nia orgullu tanba graduandu nain 197 hetan ona grau Baxarelatu iha Edukasaun nian, nia koa’lia kona-ba importánsia lian no husu ba sira hodi kontinua” ho empeñu ne’e,  responsabilidade no metin iha servisu loroloron hanesan alunu atu halo di’ak liután iha edukasaun iha ita nia país”. Nia aproveita mós hodi hato’o “ lia fuan agradesimentu ida ba Ministru Edukasaun, tanba fó nafatin apoiu ba institutu ne’e, no tanba ho responsabilidade no desizaun mak halo alterasaun ba setór ne’ebé mak hanesan fundamentál ba futuru país nian.

João Câncio de Freitas fó parabéns ba graduandu sira, ne’ebé mak profesór iha área lian Portugés nian, Ensinu báziku ba síklu 1 no 2 no fízika, no hanesan ministru responsável ba área ne’e, hakarak afirma fila fali ” kompromisu ne’ebé asumi tiha ona liu husi IV Governu Konstitusionál, iha tinan haat, hodi ezekuta projetu polítiku ida iha área edukasaun nian, projetu reformadór ida ne’ebé mak atu bele garante país, no liu-liu ba jerasaun sira  tuir mai, perspetiva ida ne’ebé fó esperansa iha edukasaun no Formasaun hodi fó di’ak liután resposta ba dezenvolvimentu sosiál no ekonómiku ita nia país”.

Nune’e mós esforsu Ministériu Edukasaun nian ne’ebé hakarak hasa’e kualidade edukasaun iha Timor-Leste ba nível padraun internasionál sira nian. Ministro fó hanoin mós katak profesór graduadu besik 600 hahú hosi ezisténsia Institutu nian, hatudu servisu hirak ne’ebé mak hala’o tiha ona, hodi halo votu katak servisu ne’e bele hala’o tan iha tinan oin mai no sei mantein kooperasaun ho Portugál no Brazíl.