Ohin, loron 8 fulan Novembru, Rádiu no Televizaun Timor-Leste nian (RTTL), halo tan hakat desizivu ida kona-ba konsolidasaun ba ninia funsionamentu nu’udar empreza públika, liu hosi fó pose ba nia órgaun sosiál sira, iha Edifisiu Ministériu Finansa, iha Díli.

Iha serimónia ne’e, sira ne’ebé mak simu pose mak elementu sira husi, Konsellu Administrasaun, Konsellu Fsikál, Konsellu Opiniaun, tuir buat ne’ebé previstu iha Dekretu-Lei n.^o 42/2008, fulan Novembru, ne’ebé halo aprovasaun ba Estatutu RTTL nian.

Hala’o Kompeténsia sira Jestaun nian ne’ebé loos hosi Konsellu Administrasaun, fiskalizasaun no supervizaun hosi Konsellu Fiskál, no ligasaun ho sosiedade sivíl hosi Konsellu Oipiniun, iha futuru sei permite atu servisu públiku radiodifuzaun nian bele la’o tuir ninia misaun  ho efisiente  no iha respeitu  ba diversidade sosiál no kulturál  komunidade nian ne’ebé servisu ne’e hala’o ba.

Eventu ne’e konta ho diskursu hosi Sekretáriu Estadu Konsellu Ministru, Agio Pereira, no mós alokusaun hosi Prezidente foun Konsellu Administrasaun RTTL nian ne’ebé foin simu pose, Expedito Dias Ximenes.