Loron 3 fulan Novembru
Edifísiu Sekretaria Estadu Juventude no Desportu (SEJD)
Oras 15:00 to’o remata

Sekretaria Estadu Promosaun Igualdade (SEPI) sei selebra Loron Nasionál ba Feto, ho tema “Hakbiit Partisipasaun Feto iha Polítika ba Dezenvolvimentu Nasionál”.

Partisipa iha selebrasaun ne’e Prezidente Repúblika, José Ramos-Horta, Primeiru-Ministru, Kay Rala Xanana Gusmão no Sekretária Estadu Promosaun Igualdade, Idelta Maria Rodrigues.

Aleinde ne’e, iha mós atividade balun hanesan, entrega prémiu ba média no sertifikadu ba eis-Pontu Fokál Jéneru, loke filmajén ho titulu “Direitu Feto Mak Diretu Umanu”, jogu footsal no dansa no mós kari ai-funan.