Governu Timor-Leste

Ministériu Solidariedade Sosiál (MSS), liu hosi Sekretaria Estadu Dezastre Natural, iha loron 13 fulan Outubru, komemora Loron Internasionál ba Redusaun Dezastre Naturál, ho tema “Halo labarik no foinsa’e sira sai parseiru ba redusaun risku dezastre naturál".

Ministra Solidaridade Sosiál Maria Domingas Alves, iha nia intervensaun hateten katak, “Objetivu hosi komemorasaun Loron Internasionál ba Redusaun Dezastre Naturál nian ne’e atu hamenus risku dezastre iha Timor Leste. Tanba ita nia Nasaun nu’udar parte ida hosi mundu ida ne’e, ne’e duni ita lakohi lakon oportunidade atu fó mós atensaun ba loron ida ohin.

Ministra Subliña katak, ho selebrasaun ida ne’e, labarik no foinsa’e sira bele iha koñesimentu liu hosi   instituisaun ne’ebé fó protesaun no fó informasaun loloos atu prepara  sira hodi previne bainhira akontese dezastre naturál mosu.

Marka Prezensa iha Komemorasaun ne’e Ministra Solidaridade Sosiál, Maria Domingas Alves, Reitór UNTL, Aurelio Guterres, CVTL, Save The Chidren, UNDP, TROCAIRE, CRC nomós estudante UNTL  Fakuldade Ekonomia.