Hahú iha loron 1 fulan Maiu tinan 2010 to’o iha loron 31 fulan Outubru, Shangai sei simu Espozisaun Mundiál iha tinan ida ne’e kona-ba tema “Better City, Better Life” (Sidade Di’ak Liu, Kualidade Vida Di’ak Liu) ne’ebé reflete ba Umanidade tomak nia hakarak ba kaulidade vida ida di’ak iha meiu urbanu ba futuru hodi hala’o interasaun ho meiu rurál no industriál.

Fo atensaun liu ba inovasaun no interasaun hodi bele esplora poténsia ba vida urbana nune’e mós fó poténsia ba diálogu  entre kultura.

Espozisaun Mundiál Shanghai iha tinan 2010 – ESPO tinan 2010 Shanghai – konta ho partisipasaun Timor-Leste nian ba dahuluk nu’udar país independente. Partisipasaun Timor-Leste nian iha espozisaun mundiál atu hatudu no afirma nia an internasionálmente, atu haluan liu tan interkámbiu kulturál, atu haklean kooperasaun entre povu sira hodi haree ba   dezenvolvimentu, promosaun ba solidariedade internasionál no respeita ba identidade kulturál  oin-oin, fo valór ba investigasaun no ba dezenvolvimentu sientífiku no teknolójiku no, liu-liu iha konsensializasaun ba dimensaun universál.

Hein katak vizitante sira besik miliaun 70 (hitunulu) no partisipante 200 (atus rua) ne’ebé entre sira hirak ne’e, Timor-Leste sei ho nia slogan “Be with us, be with nature”.

Harii tiha ona Komisariadu ida ne’ebé iha knar atu halo organizasaun no koordenasaun ba atividade Timor-Leste nian, ba eventu ida ne’e. Ágio Pereira, Sekretáriu Estadu Konsellu Ministrus, nomeadu nu’udar Komisáriu-Jerál, sei tulun nia ba knar ida ne’e, Sekretáriu Estadu Juventude no Desportu, Miguel Manetelu, no Sekretáriu Estadu Kultura , Virgílio Smith.

Produsaun no Ezekusaun ba pesas no modelus ba senáriu pavillaun, iha responsabilidade hosi artista no artezaun sira ne’ebé dirije husi ARTE MORIS no envolve  timor oan hamutuk 200 (atus rua), atu hala’o ida ne’e, iha asisténsia téknika ba edisaun no produsaun filmes, broxura no edisaun promosionál sira seluk país nian. Fatus ba asistentes sira pavillaun nian, iha Nélson Léon nia kargu, designer moda timorense, ne’ebé uza asesórius kultura maubere nian iha enderesu.

Bele mos akompaña atividade Komisariadu liu hosi site www.timor-leste2010shanghaiexpo.com